هه‌ر له‌ به‌رده‌وامیی سه‌ردانه‌كه‌ى بۆ ویلایه‌ته‌ یه‌كگرتووه‌كانى ئه‌مه‌ریكا به‌رێز مه‌سعوود بارزانى سه‌رۆكى هه‌رێمى كوردستان به‌جیا له‌ لایه‌ن جۆن كێیرى سه‌رۆكى لیژنه‌ى ده‌ره‌وه‌ى كۆنگرێسى ئه‌مه‌ریكا و هه‌روه‌ها سیناتۆران جۆن مه‌كین و جۆزیف لیبرمان پێشوازیی لێكرا له‌ هه‌ردوو دیداردا وێراى خۆشحاڵى ده‌ربرینیان به‌م سه‌ردانه‌ى سه‌رۆكى كوردستان بۆ ئه‌مه‌ریكا، جه‌خت له‌سه‌ر پته‌وتركردنى په‌یوه‌ندییه‌كانى نێوان هه‌رێمى كوردستان و ئه‌مه‌ریكا به‌ تایبه‌تى و عێراق به‌گشتى كرایه‌وه‌ و باسیش له‌ پێشڤه‌چوونه‌كانى هه‌رێمى كوردستان له‌گشت بواره‌كاندا كرا .